Inicio » Oroko Santutegia
Has ezazu orain zure bidaia

GALTZEKO IBILBIDEAK

BIDEEN IBILBIDEA

XI.mendeko harresiak

ZENTZUMENEN IBILBIDEA

Cascada de Goiuri/Gujuli

BIZIPENEN IBILBIDEA

ATARIA - Centro de interpretación de los humedales de Salburúa

TRADIZIOZKO BIZIMODUAREN IBILBIDEA

Estanque Celtibérico y Torre Abacial Álava Turismo

OROITZAPENEN IBILBIDEA

Conjunto monumental de Quejana

PARKE NATURALEN IBILBIDEA

Parque Natural de Gorbeia

ERDI AROKO IBILBIDEAK

Conjunto Monumental de Antoñana

Oroko Santutegia

Oroko Santutegia - Álava Turismo

Oroko Andra Mariaren Santutegia, Bitoriano eta Jugo herrien ondoko mendi batean kokatuta dagoenak, erakargarritasun bikoitza dauka: XVI. mendeko gurtzarako leku garrantzitsu baten arte eta historia balioa eta itsas mailatik gorako altuera 850 metrokoa duen begiratoki pribilegiatua duen pasaia balioa. Bertan, alde batetik, Zuiako harana eta, bestetik, Arabako Lautada ikus daitezke.

Hori egon badagoela dioen lehen agiri ezaguna 1138. urtekoa da. Maria Lopez andreak Najerako Errege Monasterioari Oroko Andra Mariaren Santutegia dohaintzan emateko eskritura da, Estibalizko Andra Mariarenarekin eta Magnarrieta eta Urretxuko Santa Maria Monasterioekin batera (horiek biak Zuiako haranean kokatuak).

Lekuan topatutako arkeologia hondarren arabera, ingurua K.a. 750. urtetik okupatua egon zen eta mendeak daramatza Oroko Andra Maria Birjinaren etxe izaten. Antzina-antzinatik hartu da irudi hori Zuiako haraneko zaindaritzat, hori adierazten den agiririk ez badago ere.

Gerta daiteke Oro toponimia izenaren jatorria euskara izatea, baita haraneko toponimia guztia ere. Euskarazko termino askok daramate oro izena. Halaber, “or” toponimian erabilitako atzizkia da. Altuera, goratze, goren maila esan nahi du eta santutegia bere baitan duen mendiari Oro izena esanahi hori kontuan hartuta jarri zaiolakoan.

Santutegiak mendeetan zehar aldaketa ugari jasan ditu, XI. mendearen amaieran eta XII. mendearen artean jatorrizko eliza erromanikoa altxatu zenetik hain zuzen. Tertzeleak eta ligaturak dituzten tenpluko gangak XIV. eta XV. mendekoak dira eta sakristiako igeltsuzko ganga faltsuak, berriz, XVIII. mendekoak.

Bi zatitan banatutako tamaina handiko eraikuntza baten aurrean gaude: ate nagusiak hona darama: dobela handietan egindako erdi puntuko arkuko portikora (horren gainean udaleko aretoak eta kofradia daude); alboetan, aterpe erosoetarako; ezkerraldean, kanpai hormara; atzean eliza eta sakristiara; eta iparraldean taberna eta jantokietara.

1913. urtean eraikuntza desagertzear egon zen tamaina handiko sute baten ondorioz. Haraneko elizetako kanpaiak behin eta berriz jo zituzten eta auzotar guztiak bertaratu ziren sugarrak itzaltzeko eta santutegia osorik suntsi zedin saihesteko eta ondoren berreraikitzeko konpromisoa hartu zuten.

Argibide gehiago

Zuiako Turismo Bulegoan
Bea-Murgia plaza, z/g
Murgia

Telefono zenbakia

Martxoan, apirilean, maiatzean, ekainean, irailean eta urrian
09:30etatik 12:30etara eta 15:00etatik 17:00etara
Uztail eta abuztuan
09:30etatik 14:00etara eta 15:30etatik 19:00etara
Abenduan
09:30etatik 13:30etara

E-maila
oficinadeturismo@cuadrillazuia.com

Non dagoen, nola iritsi

Oroko Andra Mariaren Santutegia Gasteiztik 22 kilometrora dago eta Bilbotik, aldiz, 51 kilometrora. Gasteiztik N-622 errepidea hartua, irteera Murgian. Bilbotik A-68 errepidea hartu, irteera Altuben. Jarraian, Zarate, Manurga, Murua, Gopegi eta Zigoitiko beste herri batzuetarako sarbidea N-240 errepidetik ere iristen da, Barazar mendatetik.

Irudiak